UMhlonishwa Somlomo kaMasipala wesiFunda uMzinyathi uKhansela T Kunene ehambisana nethimba likangilokothe elibheka izinkinga zamanzi eMzinyathi namhlanje bebekwa-Wadi 20 eMazabeko, eMsinga ukuyozama ukuxazulula izinkinga zamanzi ezikhona kuleya ndawo.

Bafike ehholo umphakathi ubalindile noKhansela wendawo uKhansela Mabaso nokuyilapho bethathe khona usomlomo nethimba nophiko lwezamanzi ukuyobakhombisa izinkinga ezikhona ababona ukuthi umthwalo ungehla uma kungase kulunge zona kuqala.

USomlomo utuse kakhulu umphakathi waseMazabeko ngokungahlali dekle ulindele ukuthi izinto ziyozilungela zona kodwa usukume ubike udaba lwawo eMzinyathi.

“Silapha nje yingoba nani benizihlupha nifisa kulunge udaba lwenu. Amathange njengoba esefikile namapayipi eselethiwe, kukhomba khona ukuthi indlela eya phambili ikhona. Ithimba njengoba lizobuya ngesonto elizayo ngikhohlwa ukuthi kuzobe sekuyikhona ukuqala kokulungiswa kwalezinkinga enizivezayo njengoba silapha namhlanje,” kubeka uSomlomo.

Usihlalo wethimba uNkk V Zondi uthe ngesonto elizayo bazophindela kule ndawo nomnyango wezamanzi sebeyoqalisa ukulungiswa kwenkinga ezibikwe umphakathi.

Kulamasonto edlule ithimba belisePomeroy nophiko lwezamanzi bashiye seyilungile isewer plant ibinenkinga kule ndawo.

Mphakathi waseMsinga niyaziswa ukuthi kwisiphehlimanzi,saseSampofu kuqhume ipayipi elikhulu kumanje amanzi avaliwe, kuze kube ithimba lezamanzi liqalisa umsebenzi wokulungisa lesi simo kusasa.

Siyaxolisa ngokuphazamiseka okuzoba khona ngenxa yalokhu.

Ubesenhlanhleni enkulu umkhandlu umasipala waseMzinyathi lapho uhanjelwe uNdunankulu wesifundazwe sakwaZulu Natal uMnuz Thamsanqa Ntuli ehambisana noNgqongqoshe wezolimo umhlonishwa umama ukaMadlopha-Mthethwa, noPolitical champion waseMzinyathi uNgqongqoshe uMhlonishwa uRev Musa Zondi, kanye namakhansela akhele isifunda.

Namhlanje bavakashele eMsinga ukuyoqalisa ukulima kulomphakathi njengoba sekungena iskhathi sokulima nokuyilapho bethi”PHEZ’KOMKHONO” emphakathini waseMsinga ku ward 18 no 19 ngaphansi kuka Khansela TL Kunene ophinde abe nguSomlomo womkhandlu uMzinyathi.

Ekufikeni kwabo bavakashele iproject ebizwa ngokuthi iGwamanda project okuyi- co-operation yabalimi ehlanganisa abesifazane abangamashumi amathathu nanye(31), kanye nabesilisa abayishumi nesishiyagalolunye(19) banikele ngezinsiza kusebenza okubalwa amageja, amasaka embewu yommbila, umanyolo nokunye.

Umphakathi waseMzinyathi ujabule kakhulu waphuma ngobuningi ukuzozibonela ngokwawo kulethwa intuthuko nokuzothuthukisa umnotho kulendawo besizakale. Inkosi yendawo Inkosi uMajozi kanye nekhansela lendawo uKhansela TL Kunene balamukele ngelikhulu isasasa loluxhaso endaweni yabo bagqugquzele ukuthi abantu mabalime bezakhe bezenzele.